| 琴日係學校影畢業照，唔知點解琴日的心情一直都好DOWN。一起身就已經係咁，前一晚仲要訓唔著，直到四點幾先肯去訓。估唔到一番到學樂少就話我知MJ死左。我心想，頂你個肺呀，話MJ死左？我真係唔信，但之後個個都走黎同我講，小希，你知唔知MJ死左呀？我個腦真係空白左。咩事呀？點解會咁突然？我唔想相信呢個事實。琴日我其實一直係度遊魂，有幾次都其實喊左出黎，但唔係喊得好勁。對唔住呀LEO，琴晚我一直都冇擺個心係度。 我明明唔係個D咁瘋狂既歌迷，我明明唔係愛得佢好深，但點解我今日會咁冇精神，會喊到咁厲害。一聽到佢既歌，佢個名個心就會抽一抽，眼濕濕。以前我睇佢既演唱會只會笑，但現在則一路睇一路喊。我第一次喊到咁係因為爺爺離世，第二次係因為同學袁梓維離世，第三次就係MJ。雖然佢已經唔係度，但我都係想去倫敦。 多謝你，winnie，hoho。多謝你地問候我。我仲以為我唔會喊tim，收埋自己既感情真係好辛苦。今日既我真係笑都笑唔出了。對唔住呀Jasman，我本來話去睇你表演但最後都冇去。睇黎呢條紅線都唔到我幫你駁了。 我成日話憎香港人，憎香港傳媒，其實都係因為Michael Jackson。由中學開始，就好似我係一個怪胎咁，鐘意一個咁多醜聞，整容整到咁核突既藝人。你知道嗎，我鐘意佢最初係因為佢既歌佢既舞，其後我更鐘意佢係因為佢既為人。覺得我好奇怪？That's the different of me and you…香港人慣性只看表面就討厭一個人，而這些表面的東西就是傳媒給予我們的。未了解就去評擊人，太不公平了。我有努力令你們去認識MJ，但你們不喜歡他就算了，我已經累了。以他作笑話的題材，我實在做不到。因為他的人生甫開始便已經是悲慘的了。 今午，我特意到青衣城走走，MJ的CD、DVD都給賣光了。這就是所謂的熱潮？竟然連在三歲的小孩口中也能聽到MJ的大名了。MJ死後，香港的人和報章都罕有地對他有正面的評價，我應該感到安慰嗎？ MICHAEL JACKSON,YOU CHANGE ME.YOU ARE THE ONLY ONE WHO'S IN MY HEART!ALTHOUGH YOU ARE OUT OF OUR LIFE,I KNOW YOU'LL BE THERE AND WATCHING US.YOU KNOW?I JUST CAN'T STOP LOVIN YOU.NO ONE SHINING LIKE YOU,YOU'RE THE ONE,I LOVE YOU!!! |
| |
| 琴晚阿媽笑笑口咁問我"聽朝你去唔去呠呠(婆婆)度飲茶呀？" 咁我第二日冇野做，咁就去啦…而且以前都成日去所以就冇左警戒心。 好啦，去到沙田坐底左，聽到阿媽講電話問"咁醫生幾時返到呀？我地打支針咋bo…" 跟住我諗返起我呠呠曾經叫我黎沙田打防子宮頸癌既針，先知道被騙了… 無奈，唉，我一諗起針筒就手痺架啦嘛，仲有打tim wo…shit!!! 好了，打完第一支，醫生話仲有第二同第三支…第一支盛惠千二蚊 嘩，發死你呀…    |
| |
| 
There's always gonna be another mountain 嗯~有一座山自然就會有第二座山 Ain't about how fast I get there 並不在於何時才會到達目的地 Ain't about what's waitin on the other side 也不在於接下來要面對的是什麼 過程才是最重要 做左先講啦^^ |
| |
